About Us

موکي مئگزين سنڌ جو پهريون آن لائين رسالو آهي. موکي ميڊيا ۽ موکي پبليڪيشن کانپوءِ، جنوري 2024ع ۾ موکي مئگزين جي باضابطہ شروعات ڪئي وئي. موکي مئگزين پنهنجي آن لائين پليٽفارم ذريعي مختلف مضمون، ڳالهہ ٻولهہ، ڪهاڻيون، خبرناما، خاڪا، تبصرا ۽ ٻيو اهم مواد شايع ڪري ٿو۔

رسالي جي ٽيم خاص ايڊيٽوريل اصولن تي عمل ڪندي، معيار، ايمانداري ۽ ذميواري کي برقرار رکي ٿي، تہ جيئن پڙهندڙن تائين ڄاڻ سنجيدگي ۽ معنيٰ خيز انداز ۾ پهچائي سگهجي۔ اسان کي اوهان جي راين، صلاحن ۽ موصول ٿيندڙ مواد جو پڻ انتظار رهندو۔

موکي مئگزين سٿ، مئگزين جي معيار کي نظر ۾ رکندي ڪجهہ اصول مرتب ڪيا آهن، جن جي پاسداري ڪرڻ اسان ۽ اوهان ٻنهي جو اولين فرض آهي، ڇو⁠تہ مختلف ادارن طرفان انهن اصولن کي قانوني حيثيت پڻ مليل آهي، تنهنڪري اوهان جو انهن سان سھمت هجڻ لازمي آهي۔

مئگزين جا اصول:

· سياسي، سماجي، ادبي، مذهبي يا ٻي ڪنهن بہ نوعيت جو مواد اھڙو ھُجي، جنھن سان اداري جي ڪارڪردگي مُتاثر نہ ٿئي.

· نفرت انگيز مواد ڪنهن بہ صورت ۾ قبول نہ ڪيو ويندو؛ اهڙي قسم جي مواد کي مئگزين ۾ جاءِ نہ ڏني ويندي۔

· ذاتي تنقيد بدران اصلاحي ۽ تعميري تنقيد وارو مواد قبول ڪيو ويندو۔

· غير معياري لکڻي کي مئگزين ۾ جاءِ نہ ڏني ويندي۔

· روايتي لکڻيءَ کان جديد لکڻيءَ کي وڌيڪ اهميت ڏني ويندي۔

· نئين ۽ نڪور لکڻيءَ کي وڌيڪ ترجيح ڏني ويندي۔

· ڪنهن ٻئي مئگزين يا اخبار ۾ شايع ٿيل لکڻي، ھن مئگزين ۾ شايع نہ ڪئي ويندي.

· چوري يا ڪاپي ڪيل مواد گناھ جي زمري ۾ اچي ٿو، جنھن جو ذميوار ادارو نہ بلڪہ ليکڪ پاڻ ھوندو.

· مواد ھر ٻئي ڏينھن ويب سائيٽ تي پبلش ڪيو ويندو. جڏھن تہ خاص (ڪنھن تاريخ جي مناسبت سان) مواد ان مخصوص تاريخ تي شايع ڪيو ويندو.

· مواد لاءِ گھٽ ۾ گھٽ لفظن جو تعداد 1000 ھئڻ ضروري آھي، ان کان گھٽ وارو مواد قبول نہ ڪيو ويندو.

· مواد موڪلڻ جو وقت: منجھند 02 وڳي کان رات 08 وڳي تائين

· مواد موڪلڻ سان گڏ پنھنجي تصوير ۽ مواد سان لاڳاپيل تصوير موڪلڻ لازم آھي. (پنھنجي تصوير رڳو پھريائين موڪليو، ٻيھر موڪلڻ جي ضرورت ناھي، ڇو⁠تہ ادارو تصوير محفوظ رکندو۔)